Shimoliy Amerigada 2026 yilgi jahon chempionati o‘z nihoyasiga yetdi. Final bahsida Ispaniya terma jamoasi Argentinani qo‘shimcha bo‘limda kiritilgan yagona gol evaziga mag‘lub etdi (1:0). Uchrashuvdagi hal qiluvchi to‘p muallifi hujumchi Ferran Torres bo‘ldi.
O‘tkazilgan bahsda «albiseleste» darvozaboni Emiliano Martines 11 ta seyv amalga oshirdi. E’tiborli jihati, ispanlar posboni Unai Simon hisobida butun turnir davomida atigi o‘nta seyv bor edi. Bu haqda Opta Analyst xabar bermoqda.
Nufuzli musobaqa yakunlariga ko‘ra, Simon turnirning eng yaxshi darvozaboni sovrinini qo‘lga kiritdi.
Ispaniya o‘z tarixida ikkinchi bor jahon chempioniga aylandi. Jamoa bundan oldin o‘z mundialidagi g‘alabasini Janubiy Afrika Respublikasida nishonlagan edi.
