Шимолий Америгада 2026 йилги жаҳон чемпионати ўз ниҳоясига етди. Финал баҳсида Испания терма жамоаси Аргентинани қўшимча бўлимда киритилган ягона гол эвазига мағлуб этди (1:0). Учрашувдаги ҳал қилувчи тўп муаллифи ҳужумчи Ферран Торрес бўлди.
Ўтказилган баҳсда «альбиселесте» дарвозабони Эмилиано Мартинес 11 та сейв амалга оширди. Эътиборли жиҳати, испанлар посбони Унаи Симон ҳисобида бутун турнир давомида атиги ўнта сейв бор эди. Бу ҳақда Opta Analyst хабар бермоқда.
Нуфузли мусобақа якунларига кўра, Симон турнирнинг энг яхши дарвозабони совринини қўлга киритди.
Испания ўз тарихида иккинчи бор жаҳон чемпионига айланди. Жамоа бундан олдин ўз мундиалидаги ғалабасини Жанубий Африка Республикасида нишонлаган эди.
