«Bornmut» o‘zining hujumkor yarim himoyachisi Aleks Skott bo‘yicha «Chelsi» tomonidan berilgan so‘nggi taklifga rad javobini berdi.
Jurnalist Ben Jeykobsning xabar berishicha, «ko‘klar» rahbariyati futbolchi uchun 60 million funt sterlingdan ortiq (joriy kurs bo‘yicha 70 million yevrodan ziyod) to‘lashga tayyor edi. Keltirilgan taklif «olchalar» mutasaddilarini qanoatlantirmadi.
Seshanba, 21 iyul kuni insayder Fabrisio Romano Skottning «Bornmut» bilan yangi shartnoma tuzish taklifini rad etgani haqida xabar bergan edi.
Yosh yarim himoyachi o‘tgan mavsumda «Bornmut» tarkibida barcha turnirlarda 39 ta o‘yinda maydonga tushib, 4 ta gol urgan va 1 ta golli uzatmaga mualliflik qilgan.
