«Борнмут» ўзининг ҳужумкор ярим ҳимоячиси Алекс Скотт бўйича «Челси» томонидан берилган сўнгги таклифга рад жавобини берди.

Журналист Бен Жейкобснинг хабар беришича, «кўклар» раҳбарияти футболчи учун 60 миллион фунт стерлингдан ортиқ (жорий курс бўйича 70 миллион евродан зиёд) тўлашга тайёр эди. Келтирилган таклиф «олчалар» мутасаддиларини қаноатлантирмади.

Сешанба, 21 июль куни инсайдер Фабрицио Романо Скоттнинг «Борнмут» билан янги шартнома тузиш таклифини рад этгани ҳақида хабар берган эди.

Ёш ярим ҳимоячи ўтган мавсумда «Борнмут» таркибида барча турнирларда 39 та ўйинда майдонга тушиб, 4 та гол урган ва 1 та голли узатмага муаллифлик қилган.