«Chelsi» vingeri Alexandro Garnacho «Aston Villa»ga o‘tishga yaqin turibdi. Birmingemliklar 22 yoshli futbolchini «juda oddiy» shartlar bajarilgan taqdirda kuchga kiradigan majburiy sotib olish huquqi bilan ijaraga olishmoqda.

Insayder Fabrisio Romanoning ma’lumotlariga ko‘ra, argentinalik futbolchi so‘nggi yillarda duch kelgan tanqid va masxaralar sababli Angliyadan ketishni rejalashtirayotgan edi. Biroq «Villa» bosh murabbiyi Unai Emeri futbolchini fikridan qaytarishga erishdi:

«Biz sening karyerangni qayta tiklashga qodirmiz», — degan ispaniyalik mutaxassis futbolchiga.

O‘tgan yilning yozida Alexandro Garnacho «Manchester Yunayted»dan «Chelsi»ga 46,2 million yevro evaziga o‘tgan edi. Futbolchi «ko‘klar» safida 43 ta o‘yinda maydonga tushib, o‘z hisobiga 8 ta gol va 4 ta golli uzatma yozib qo‘ygan.