Madridning «Atletiko» klubi Kataloniya klubi tizimida sakkiz yil o‘tkazib, «Barselona»ni tark etgan darvozabon Ander Astralaga bilan shartnoma imzoladi. Bu haqda GFSN xabar bermoqda.

22 yoshli ispaniyalik posbon «Barselona» akademiyasining sinovlaridan o‘tib, so‘nggi yillarda o‘rinbosarlar jamoasida to‘p surgan. O‘tgan mavsumni Astralaga ijara asosida «Granada»da o‘tkazdi.

Astralaga «roxiblankos» bilan erkin agent maqomida shartnoma tuzdi. «Atletiko»da yosh darvozabon rivojlanishda davom etishiga va posbonlar pozisiyasidagi raqobatni kuchaytirishiga umid qilishmoqda.

Transfermarkt portali futbolchining bozor qiymatini 800 ming yevroga baholamoqda.