Angliya Futbol assosiasiyasi IFAB’dan (Xalqaro futbol assosiasiyalari kengashi) darvozabonlarning jarohati tufayli yuzaga keladigan vaqt yo‘qotishlarini kamaytirishga qaratilgan tajribani 2026/27 yilgi mavsumda o‘tkazish uchun ruxsat oldi. Bu haqda tashkilot rasmiy sayti xabar bermoqda.
Yangi qoida erkaklar va ayollar professional futbolida amal qiladi. Agar o‘yin darvozabonning jarohati sababli to‘xtatilsa, jamoa bosh murabbiyi maydondagi futbolchilardan birini tashqariga chiqarib turishi kerak bo‘ladi. Ushbu futbolchi o‘yin qayta boshlanganidan so‘ng kamida bir daqiqa o‘tibgina maydonga qayta oladi.
Agar darvozabon raqibning foli, boshqa o‘yinchi bilan to‘qnashuv natijasida jarohat olgan bo‘lsa yoki unda qon ketishi kuzatilsa, ushbu tajriba qo‘llanilmaydi.
