Англия Футбол ассоциацияси IFAB’дан (Халқаро футбол ассоциациялари кенгаши) дарвозабонларнинг жароҳати туфайли юзага келадиган вақт йўқотишларини камайтиришга қаратилган тажрибани 2026/27 йилги мавсумда ўтказиш учун рухсат олди. Бу ҳақда ташкилот расмий сайти хабар бермоқда.

Янги қоида эркаклар ва аёллар профессионал футболида амал қилади. Агар ўйин дарвозабоннинг жароҳати сабабли тўхтатилса, жамоа бош мураббийи майдондаги футболчилардан бирини ташқарига чиқариб туриши керак бўлади. Ушбу футболчи ўйин қайта бошланганидан сўнг камида бир дақиқа ўтибгина майдонга қайта олади.

Агар дарвозабон рақибнинг фоли, бошқа ўйинчи билан тўқнашув натижасида жароҳат олган бўлса ёки унда қон кетиши кузатилса, ушбу тажриба қўлланилмайди.