«Barselona» darvozaboni Mark-Andre ter Shtegen Amsterdamning «Ayaks» klubiga o‘tishga tayyorgarlik ko‘rmoqda.
Insayder Fabrisio Romano xabariga ko‘ra, Niderlandiya klubi germaniyalik darvozabon bilan shartnoma imzolanganini dam olish kunlarida rasman e’lon qiladi. 34 yoshli futbolchi Juma kuni Amsterdamga uchib ketadi, shanba kuni esa tibbiy ko‘rikdan o‘tib, shartnomaga qo‘l qo‘yadi.
Mark-Andre ter Shtegen «Ayaks» safini ijara huquqi asosida to‘ldiradi. «Barselona» 34 yoshli darvozabon maoshining salmoqli qismini to‘lashda davom etadi.
Yangi jamoasida ter Shtegen ilgari «Jirona»da birga ishlagan murabbiy Michel qo‘l ostida to‘p suradi.
