«Барселона» дарвозабони Марк-Андре тер Штеген Амстердамнинг «Аякс» клубига ўтишга тайёргарлик кўрмоқда.
Инсайдер Фабрицио Романо хабарига кўра, Нидерландия клуби германиялик дарвозабон билан шартнома имзоланганини дам олиш кунларида расман эълон қилади. 34 ёшли футболчи Жума куни Амстердамга учиб кетади, шанба куни эса тиббий кўрикдан ўтиб, шартномага қўл қўяди.
Марк-Андре тер Штеген «Аякс» сафини ижара ҳуқуқи асосида тўлдиради. «Барселона» 34 ёшли дарвозабон маошининг салмоқли қисмини тўлашда давом этади.
Янги жамоасида тер Штеген илгари «Жирона»да бирга ишлаган мураббий Мичел қўл остида тўп суради.
