Turkiyaning «Fenerbahche» klubi «Manchester Yunayted» hujumchisi Markus Reshfordni sotib olishga qiziqish bildirmoqda va uning transferi uchun katta moliyaviy imkoniyatlarini ishga solishga tayyor. Bu haqda The Sun nashri xabar bermoqda.
Manba ma’lumotlariga ko‘ra, Reshford «Fenerbahche» o‘rganayotgan uch futbolchidan iborat qisqa ro‘yxatdan (short-list) joy olgan. Undan tashqari, Turkiya klubi «Milan» vingeri Rafael Leau va «Kristal Pelas» hujumchisi Ismaila Sarrni kuzatib bormoqda.
«Fenerbahche» vakillari allaqachon Reshfordning atrofidagi insonlar bilan aloqaga chiqishgan. Klub Ismail Kartal bosh murabbiy etib tayinlanganidan so‘ng «Galatasaroy» bilan sovrinlar uchun kurashish maqsadida tarkibni kuchaytirishni niyat qilgan.
O‘tgan mavsumda 28 yoshli futbolchi «Barselona»da ijarada o‘ynab, 49 ta o‘yinda 14 ta gol urdi va 14 ta golli uzatmaga mualliflik qildi.
