«Byornli» «Port Veyl»dan darvozabon Ben Eymos transferini e’lon qildi. 36 yoshli angliyalik futbolchi bir yillik shartnoma imzoladi.

Angliya klubi transfer anonsi sifatida 2002 yildagi «O‘rgimchak-odam» filmidan Piter Parker amakisi Benni o‘rab olgan olomon tomon yaqinlashib kelayotgan parchadan foydalandi.

Eymos «Manchester Yunayted» tarbiyalanuvchisi hisoblanadi, ammo asosiy tarkibda bor-yo‘g‘i bitta o‘yin o‘tkazgan. U shuningdek «Piterboro», «Molde», «Oldem Atletik», «Xall Siti», «Bolton», «Karlayl Yunayted», «Kardiff Siti», «Charlton», «Milluoll» va «Uigan» klublarida ham to‘p surgan.