«Nyukasl Yunayted» afsonasi Alan Shirer braziliyalik yarim himoyachi Bruno Gimaraynsning Londonning «Arsenal» klubiga amalga oshirayotgan transferi borasida o‘z fikrlari bilan o‘rtoqlashdi.
Transfer shartlari to‘liq kelishib olingan bo‘lib, futbolchi London klubi uchun tibbiy ko‘rikdan o‘tgan va shartnomaga imzo chekkan. Yaqin soatlarda transfer rasman e’lon qilinishi kutilmoqda.
«Arsenal» yuqori saviyadagi futbolchini o‘z safiga qo‘shib olmoqda, bunga hech qanday shak-shubha yo‘q. Gimaraes bosim ostida ham to‘p bilan juda ishonchli harakat qiladi va hal qiluvchi nozik uzatmalarni amalga oshira oladi. U o‘z ishiga juda mas’uliyat bilan yondashadi — buni «Nyukasl»dagi faoliyatida ko‘rganmiz. Xulosa qilib aytganda, u «Arsenal»ni aniq kuchaytiradi. O‘ylaymanki, Edegor, Rays va Bruno uchligi bilan londonliklarda dunyodagi eng kuchli yarim himoya chiziqlaridan biri shakllanadi», — deydi Shirer Arsenal News Channel nashriga bergan intervyusida.
Ma’lumotlarga ko‘ra, Gimaraynsning transfer summasi 87 million yevrodan (taxminan 75 million funt) oshadi.
