«Ньюкасл Юнайтед» афсонаси Алан Ширер бразилиялик ярим ҳимоячи Бруно Гимарайнснинг Лондоннинг «Арсенал» клубига амалга ошираётган трансфери борасида ўз фикрлари билан ўртоқлашди.
Трансфер шартлари тўлиқ келишиб олинган бўлиб, футболчи Лондон клуби учун тиббий кўрикдан ўтган ва шартномага имзо чеккан. Яқин соатларда трансфер расман эълон қилиниши кутилмоқда.
«Арсенал» юқори савиядаги футболчини ўз сафига қўшиб олмоқда, бунга ҳеч қандай шак-шубҳа йўқ. Гимараэс босим остида ҳам тўп билан жуда ишончли ҳаракат қилади ва ҳал қилувчи нозик узатмаларни амалга ошира олади. У ўз ишига жуда масъулият билан ёндашади — буни «Ньюкасл»даги фаолиятида кўрганмиз. Хулоса қилиб айтганда, у «Арсенал»ни аниқ кучайтиради. Ўйлайманки, Эдегор, Райс ва Бруно учлиги билан лондонликларда дунёдаги энг кучли ярим ҳимоя чизиқларидан бири шаклланади», — дейди Ширер Arsenal News Channel нашрига берган интервьюсида.
Маълумотларга кўра, Гимарайнснинг трансфер суммаси 87 миллион евродан (тахминан 75 миллион фунт) ошади.
