«Barselona» himoyachisi Ronald Arauxoning «Liverpul»ga kutilayotgan ijarasi bo‘yicha yangi tafsilotlar ma’lum bo‘ldi.

Jijantes FC xabariga ko‘ra, kataloniyaliklar bosh murabbiyi Xans-Diter Flik Arauxoning klubdan ketishiga qarshi chiqqan, chunki urugvaylik futbolchi mavsumga tayyorgarlik jarayonida o‘zini yaxshi tomondan ko‘rsata olgan edi. Ammo Arauxoning o‘zi ijaraga o‘tish sinovlari barcha tomonlar uchun eng maqbul yechim bo‘ladi deb hisoblab, jamoadan qo‘yib yuborishlarini so‘ragani aytilmoqda. Futbolchi ertaga «Barselona» bilan xayrlashishi kutilmoqda.

Avvalroq «Liverpul»ning yangi bosh murabbiyi Andoni Iraola shaxsan o‘zi jamoa himoyasini mustahkamlashni so‘ragani haqida xabar berilgan edi.