Italiyaning «Komo» klubi Angliyaning «Liverpul» jamoasiga qarshi o‘rtoqlik o‘yinining birinchi bo‘limida o‘z darvozasidan ikkita to‘p o‘tkazib yubordi va mag‘lubiyatga uchradi. Shunga qaramay, «Komo»ning ispaniyalik bosh murabbiyi Sesk Fabregas uchrashuvdan so‘ng tushkunlikka tushgani yo‘q. Uning ta’kidlashicha, maydondagi o‘yindan ko‘ngli to‘lgan.

«Maydonda ko‘rganimdan mamnunman va xursandman. «Liverpul»ni mag‘lub etish uchun ideal o‘yin o‘tkazishimiz kerak edi, ammo bu yerda aynan g‘alaba qozonish maqsadi qo‘yilmagandi. Biz rivojlanyapmiz va bu o‘sish dinamikasidan mamnunman», — dedi Fabregas calcionapoli1926.it nashriga.

Italiya chempionatining yangi mavsumi shu hafta oxirida boshlanadi. Yangi mavsumda «Komo» A Seriyadan tashqari Chempionlar Ligasida ham ishtirok etadi.