"Kristal Pelas" qanot hujumchisi Ismaila Sarr "Galatasaroy" qiziqishlari doirasida turibdi. Turkiya klubi senegallik futbolchining transferi bo‘yicha "burgutlar"ga rasmiy taklif yuborgan. Bu haqda taniqli insayder Fabrisio Romano ijtimoiy tarmoqlarda xabar berdi.

Manbaga ko‘ra, Sarr Istanbul klubi bilan shaxsiy shartnoma shartlarini muhokama qilishga tayyor. Biroq "Kristal Pelas"ning pozisiyasi sabab transfer amalga oshishi ehtimoli hozircha past baholanmoqda. Angliya klubi vingerni jamoaning asosiy futbolchilaridan biri deb hisoblaydi.

O‘tgan mavsumda 28 yoshli hujumchi barcha musobaqalar doirasida 45 ta o‘yinda maydonga tushib, 21 ta gol urdi va 2 ta golli uzatmani amalga oshirdi.

Transfermarkt portali Ismaila Sarrning bozor qiymatini 45 million yevroga baholamoqda.