"Real" hujumchisi Endrik faoliyatini Angliya Premyer-ligasida davom ettirishi mumkin. Bu haqda Fichajes xabar berdi.

Manba ma’lumotiga ko‘ra, braziliyalik futbolchini o‘z safiga qo‘shib olishga "Liverpul" qiziqish bildirmoqda. Agar klubning yangi bosh murabbiyi Andoni Iraola transferni ma’qullasa, "qizillar" hujumchi uchun 65 million yevro taklif qilishga tayyor.

Bunday miqdordagi taklif "Real"ni o‘z futbolchisini sotish masalasini ko‘rib chiqishga undashi mumkin.

O‘tgan mavsumning ikkinchi yarmida Endrik "Lion"da ijara asosida to‘p tepdi. U Fransiya klubi safida barcha musobaqalar hisobida 21 ta uchrashuv o‘tkazib, 8 ta gol urdi va 8 ta golli uzatmani amalga oshirdi.