Opta superkompyuteri «Chelsi»ning 2026/27 yilgi Angliya Premyer-ligasidagi imkoniyatlarini baholadi.

10 mingta simulyasiya natijasiga ko‘ra, londonliklar uchun eng ehtimoliy yakuniy natija 6-o‘rin bo‘ldi — bunday ssenariy ehtimoli 7,2 foizni tashkil etdi.

«Chelsi»ning Angliya chempioni bo‘lish imkoniyati esa 3,8 foizga baholangan. E’tiborlisi, superkompyuter jamoaning Premyer-ligadan tushib ketish ehtimolini — 6 foiz — chempionlik imkoniyatidan yuqori deb hisoblamoqda.

Shuningdek, Xabi Alonso shogirdlarining kuchli to‘rtlikdan joy olish ehtimoli 23,7 foiz, top-5 ga kirish imkoniyati esa 30,8 foizni tashkil qilgan.

Opta ushbu hisob-kitoblarni 20 avgust kuni o‘tkazilgan simulyasiyalar asosida taqdim etgan. O‘tgan mavsumni 10-o‘rinda yakunlagan «Chelsi» yangi bosh murabbiy Xabi Alonso qo‘l ostida yuqori o‘rinlar uchun kurashishga harakat qiladi.