Opta суперкомпьютери «Челси»нинг 2026/27 йилги Англия Премьер-лигасидаги имкониятларини баҳолади.

10 мингта симуляция натижасига кўра, лондонликлар учун энг эҳтимолий якуний натижа 6-ўрин бўлди — бундай сценарий эҳтимоли 7,2 фоизни ташкил этди.

«Челси»нинг Англия чемпиони бўлиш имконияти эса 3,8 фоизга баҳоланган. Эътиборлиси, суперкомпьютер жамоанинг Премьер-лигадан тушиб кетиш эҳтимолини — 6 фоиз — чемпионлик имкониятидан юқори деб ҳисобламоқда.

Шунингдек, Хаби Алонсо шогирдларининг кучли тўртликдан жой олиш эҳтимоли 23,7 фоиз, топ-5 га кириш имконияти эса 30,8 фоизни ташкил қилган.

Opta ушбу ҳисоб-китобларни 20 август куни ўтказилган симуляциялар асосида тақдим этган. Ўтган мавсумни 10-ўринда якунлаган «Челси» янги бош мураббий Хаби Алонсо қўл остида юқори ўринлар учун курашишга ҳаракат қилади.