Londonning "Arsenal" klubi bosh murabbiyi Mikel Arteta o‘tgan mavsumda Angliya Premyer-ligasida chempionlikni qo‘lga kiritganidan so‘ng ham jamoada motivasiya bilan bog‘liq muammo bo‘lmasligiga ishonmoqda.
Bugun "kanonirlar" chempionlik unvoni himoyasini boshlaydi. Yangi mavsumning ochilish uchrashuvida "Arsenal" "Koventri"ga qarshi maydonga tushadi.
"Futbolchilarimizga qo‘shimcha turtki kerak emas. Ishoning, agar bunga ehtiyoj bo‘lganida, ular buni olardi. Ammo hozir bunga hojat yo‘q. Jamoadagi energiya, xohish va ishtiyoq hech qayerga yo‘qolgani yo‘q. Bunday muhitni yaratish uchun ko‘p vaqt sarfladik va ajoyib jamoani shakllantirdik. Endi vazifamiz — bu muhitni har kuni saqlab qolish", — dedi Arteta.
O‘tgan mavsumda "Arsenal" Angliya chempionatida 85 ochko to‘plab, ikkinchi o‘rinni egallagan "Manchester Siti"ni 7 ochkoga ortda qoldirgan holda chempionlikni qo‘lga kiritdi.
