«Orlando» MLS muntazam chempionati doirasida o‘z maydonida «Real Solt-Leyk»ni 2:1 hisobida mag‘lub etdi.

36-daqiqada mehmonlar hujumchisi Dominik Marchuk hisobni ochdi. Ikkinchi bo‘limda esa Antuan Grizmann «Orlando»ga g‘alaba keltirdi. Fransiyalik futbolchi 53 va 81-daqiqalarda raqib darvozasini ishg‘ol qilib, dubl qayd etdi.

35 yoshli Grizmann avvalgi turda «Chikago»ga qarshi o‘yinda ham samarali harakatni amalga oshirgandi. «Orlando» 1:2 hisobida mag‘lub bo‘lgan mazkur bahsda u golli uzatma bergan.

«Orlando» 21 ta uchrashuvdan keyin 24 ochko bilan MLS Sharqiy konferensiyasi turnir jadvalida 9-o‘rinni egallab turibdi. 20 ta bahsda 28 ochko to‘plagan «Real Solt-Leyk» esa o‘z konferensiyasida 8-pog‘onada joylashgan.