«Орландо» МЛС мунтазам чемпионати доирасида ўз майдонида «Реал Солт-Лейк»ни 2:1 ҳисобида мағлуб этди.

36-дақиқада меҳмонлар ҳужумчиси Доминик Марчук ҳисобни очди. Иккинчи бўлимда эса Антуан Гризманн «Орландо»га ғалаба келтирди. Франциялик футболчи 53 ва 81-дақиқаларда рақиб дарвозасини ишғол қилиб, дубль қайд этди.

35 ёшли Гризманн аввалги турда «Чикаго»га қарши ўйинда ҳам самарали ҳаракатни амалга оширганди. «Орландо» 1:2 ҳисобида мағлуб бўлган мазкур баҳсда у голли узатма берган.

«Орландо» 21 та учрашувдан кейин 24 очко билан МЛС Шарқий конференцияси турнир жадвалида 9-ўринни эгаллаб турибди. 20 та баҳсда 28 очко тўплаган «Реал Солт-Лейк» эса ўз конференциясида 8-поғонада жойлашган.