«Barselona» bosh murabbiyi Hans-Diter Flik jamoaning hujum chizig‘ini yangi futbolchi bilan kuchaytirish rejalari haqida fikr bildirdi.
Yakshanba kuni «ko‘k-anorranglilar» La Liganing yangi mavsumini «Elche» ustidan 5:0 hisobidagi yirik g‘alaba bilan boshladi. Ushbu bahsda markaziy hujumchi pozisiyasida Rafinya Dias harakat qildi. Braziliyalik futbolchi ikkita gol urib, bitta golli uzatmani amalga oshirdi.
«Ertaga yangi hujumchi bilan shartnoma imzolash masalasida Deku bilan gaplashaman. Jamoamizning o‘yinidan juda mamnunmiz, ammo bu haftada nimalar sodir bo‘lishini ko‘ramiz», — dedi Flik matbuot anjumanida.
«Barselona» Ispaniya chempionatidagi navbatdagi uchrashuvini 27 avgust kuni o‘z maydonida Bilbaoning «Atletik» klubiga qarshi o‘tkazadi. Bahs Toshkent vaqti bilan 00:00 da boshlanadi.
