Turinning «Yuventus» klubi himoyachisi Federiko Gatti ikki Yevropa klubi qiziqish doirasiga tushdi. Bu haqda insayder Nikolo Skira ijtimoiy tarmoqlarda ma’lum qildi.
Manba ma’lumotiga ko‘ra, 28 yoshli futbolchini Istanbulning «Galatasaroy» va Portugaliyaning «Portu» klublari o‘z safiga qo‘shib olishni istamoqda. Har ikki klub ham Gattini ijaraga olish variantini ko‘rib chiqmoqda.
Biroq «Yuventus» hozircha himoyachini qo‘yib yuborishni rejalashtirmayapti.
Eslatib o‘tamiz, Federiko Gatti «Yuventus» safiga 2022 yilda qo‘shilgan. Shu vaqtdan buyon u Turin klubi tarkibida 137 ta o‘yin o‘tkazib, 11 ta gol urdi va 2 ta golli uzatmani amalga oshirdi.
