Туриннинг «Ювентус» клуби ҳимоячиси Федерико Гатти икки Европа клуби қизиқиш доирасига тушди. Бу ҳақда инсайдер Николо Скира ижтимоий тармоқларда маълум қилди.
Манба маълумотига кўра, 28 ёшли футболчини Истанбулнинг «Галатасарой» ва Португалиянинг «Порту» клублари ўз сафига қўшиб олишни истамоқда. Ҳар икки клуб ҳам Гаттини ижарага олиш вариантини кўриб чиқмоқда.
Бироқ «Ювентус» ҳозирча ҳимоячини қўйиб юборишни режалаштирмаяпти.
Эслатиб ўтамиз, Федерико Гатти «Ювентус» сафига 2022 йилда қўшилган. Шу вақтдан буён у Турин клуби таркибида 137 та ўйин ўтказиб, 11 та гол урди ва 2 та голли узатмани амалга оширди.
