«Komo» 2026/27 mavsumda Chempionlar ligasidagi uy uchrashuvlarini «Djuzeppe Sinigalya» stadionida o‘tkazishini rasman tasdiqladi. Football Italia xabar berishicha, zarur ishlar amalga oshirilib, arena UYEFA talablariga moslashtirilgan.
«Komo» 2025/26 mavsum yakuniga ko‘ra tarixda birinchi marta Chempionlar ligasiga yo‘l oldi. Avvalroq «Sinigalya» turnir o‘yinlarini qabul qila olmasligi mumkinligi haqida xavotirlar bo‘lgan. Muqobil variant sifatida Komodan taxminan 200 kilometr uzoqlikda joylashgan «Mapei» stadioni ko‘rib chiqilgan.
«Sinigalya»da yangi tribuna qurildi, shuningdek, infratuzilma va xavfsizlik tizimi modernizasiya qilindi. Endi stadion 12 379 tomoshabinni sig‘dira oladi. Shuni ta’kidlash kerakki, taxminan 2 mingta o‘rindan faqat chempionat o‘yinlarida foydalanish mumkin bo‘ladi.
