«Комо» 2026/27 мавсумда Чемпионлар лигасидаги уй учрашувларини «Джузеппе Синигалья» стадионида ўтказишини расман тасдиқлади. Football Italia хабар беришича, зарур ишлар амалга оширилиб, арена УЕФА талабларига мослаштирилган.
«Комо» 2025/26 мавсум якунига кўра тарихда биринчи марта Чемпионлар лигасига йўл олди. Аввалроқ «Синигалья» турнир ўйинларини қабул қила олмаслиги мумкинлиги ҳақида хавотирлар бўлган. Муқобил вариант сифатида Комодан тахминан 200 километр узоқликда жойлашган «Мапеи» стадиони кўриб чиқилган.
«Синигалья»да янги трибуна қурилди, шунингдек, инфратузилма ва хавфсизлик тизими модернизация қилинди. Энди стадион 12 379 томошабинни сиғдира олади. Шуни таъкидлаш керакки, тахминан 2 мингта ўриндан фақат чемпионат ўйинларида фойдаланиш мумкин бўлади.
