Madridning «Real» klubi va Fransiya terma jamoasi hujumchisi Kilian Mbappe «Oltin to‘p»ni qo‘lga kiritish imkoniyatlari haqida fikr bildirdi.

«Bu yozda men eng nufuzli musobaqada tarix yaratdim. O‘tgan yil men uchun yaxshi o‘tdi va bu «Oltin to‘p»ni qo‘lga kiritishimga olib kelishi mumkin. Ammo ovozni jurnalistlar beradi, qaror ularning qo‘lida», — dedi Mbappe jurnalistlarga.

O‘tgan mavsumda fransuz hujumchisi «Real» safida 44 ta o‘yin o‘tkazib, 42 ta gol urdi va 7 ta golli uzatma qayd etdi.

2026 yilgi jahon chempionatida esa Mbappe raqiblar darvozasiga 10 ta gol yo‘llab, musobaqaning eng yaxshi to‘purari bo‘ldi. Shuningdek, u jahon chempionatlari tarixidagi gollari sonini 22 taga yetkazib, Lionel Messini ortda qoldirdi. Argentinalik futbolchi hisobida 21 ta gol bor.

27 yoshli Mbappe hozirga qadar «Oltin to‘p»ni biror marta qo‘lga kiritmagan.