"Komo" futbolchisi Roberta Pikkida ko‘krak bezi saratoni aniqlandi. Yaqin vaqt ichida u davolanish kursini boshlaydi.
"Roberta klub tibbiy xizmati tomonidan har tomonlama qo‘llab-quvvatlangan holda davolanishni boshlaydi. Klub shifokorlari uning davolanishi bilan shug‘ullanayotgan mutaxassislar bilan yaqin hamkorlik qiladi", — deyiladi "Komo" matbuot xizmati bayonotida.
Klub, shuningdek, Pikkini qo‘llab-quvvatlash maqsadida u bilan amaldagi shartnomani muddatidan oldin uzaytirdi. Yangi kelishuv 2027/28 yilgi mavsum yakuniga qadar mo‘ljallangan.
"Komo" davolanish davrida futbolchining shaxsiy hayoti va maxfiyligiga hurmat bilan munosabatda bo‘lishni so‘radi.
