"Комо" футболчиси Роберта Пиккида кўкрак бези саратони аниқланди. Яқин вақт ичида у даволаниш курсини бошлайди.
"Роберта клуб тиббий хизмати томонидан ҳар томонлама қўллаб-қувватланган ҳолда даволанишни бошлайди. Клуб шифокорлари унинг даволаниши билан шуғулланаётган мутахассислар билан яқин ҳамкорлик қилади", — дейилади "Комо" матбуот хизмати баёнотида.
Клуб, шунингдек, Пиккини қўллаб-қувватлаш мақсадида у билан амалдаги шартномани муддатидан олдин узайтирди. Янги келишув 2027/28 йилги мавсум якунига қадар мўлжалланган.
"Комо" даволаниш даврида футболчининг шахсий ҳаёти ва махфийлигига ҳурмат билан муносабатда бўлишни сўради.
