Urugvaylik himoyachi Ronald Arauxo «Barselona»dan «Liverpul»ga doimiy asosda o‘tishi mumkin.

Rousing The Kop xabariga ko‘ra, futbolchining ijara shartnomasida uni 54,5 million yevroga sotib olish huquqi ko‘zda tutilgan. Bu band majburiy emas, ammo «Liverpul» mavsum yakunlanishini kutmasdan, istalgan vaqtda undan foydalanishi mumkin.

Xabarlarga ko‘ra, Arauxoning o‘yini «Liverpul» rahbariyatiga juda ma’qul kelgan. Shu bois klub uni muddatidan oldin sotib olish imkoniyatini ko‘rib chiqishga tayyor. Biroq yakuniy qaror keyinroq qabul qilinishi ham mumkin.

27 yoshli himoyachi «Liverpul» safida Angliya Premyer-ligasining uchta uchrashuvida maydonga tushib, bitta sariq kartochka oldi.