Уругвайлик ҳимоячи Рональд Араухо «Барселона»дан «Ливерпуль»га доимий асосда ўтиши мумкин.

Rousing The Kop хабарига кўра, футболчининг ижара шартномасида уни 54,5 миллион еврога сотиб олиш ҳуқуқи кўзда тутилган. Бу банд мажбурий эмас, аммо «Ливерпуль» мавсум якунланишини кутмасдан, исталган вақтда ундан фойдаланиши мумкин.

Хабарларга кўра, Араухонинг ўйини «Ливерпуль» раҳбариятига жуда маъқул келган. Шу боис клуб уни муддатидан олдин сотиб олиш имкониятини кўриб чиқишга тайёр. Бироқ якуний қарор кейинроқ қабул қилиниши ҳам мумкин.

27 ёшли ҳимоячи «Ливерпуль» сафида Англия Премьер-лигасининг учта учрашувида майдонга тушиб, битта сариқ карточка олди.