Dortmundning «Borussiya» klubi Chempionlar ligasi umumiy bosqichi 1-turida o‘z maydonida «Vilyarreal»ni 3:2 hisobida mag‘lub etdi.
Mezbonlarga g‘alaba Seru Girassining dubli evaziga nasib etdi. 30 yoshli gvineyalik hujumchi 80-daqiqada o‘yindan gol urdi, 85-daqiqada esa penaltini aniq amalga oshirdi.
«Borussiya»ning yana bir goli 53-daqiqada qayd etildi. Ushbu vaziyatda Renatu Veyga to‘pni o‘z darvozasiga kiritib qo‘ydi.
«Vilyarreal» safida 66-daqiqada Santyago Mourinyo gol urdi. Uchrashuv yakunida esa Girassi ham to‘pni o‘z darvozasiga yo‘llab qo‘ydi.
Keyingi turda «Vilyarreal» 13 oktyabr kuni o‘z maydonida «Napoli»ni qabul qiladi. «Borussiya» esa 14 oktyabr kuni safarda «Bude-Glimt»ga qarshi o‘ynaydi.
