«Borussiya» Dortmund yarim himoyachisi Konstantinos Karesas Chempionlar ligasi 1-turida «Vilyarreal»ga qarshi o‘yinda bosh aylanishi bilan bog‘liq muammo sabab maydonni tark etdi.

Uchrashuvning 24-daqiqasida 18 yoshli futbolchi almashtirishni so‘rab qo‘lini ko‘tardi va maydonga yotib qoldi. Shifokorlar unga bir necha daqiqa davomida yordam ko‘rsatishdi. Shundan so‘ng Karesas nosilkada maydondan olib chiqildi.

Klub ma’lum qilishicha, futbolchi holati vaziyatga ko‘ra qoniqarli bo‘lgan va qo‘shimcha tekshiruvlardan o‘tish uchun shifoxonaga olib ketilgan.