«Manchester Yunayted» bosh murabbiyi Maykl Kerrik Chempionlar Ligasida «Sabah»ga qarshi o‘yindan so‘ng yarim himoyachi Kobbi Maynu haqida iliq fikr bildirdi. Uchrashuv ingliz klubining 4:0 hisobidagi g‘alabasi bilan yakunlandi.
«U fantastik futbolchi, bu aniq. U o‘yinimizga juda katta ta’sir ko‘rsatadi. U bilan ishlash katta zavq: u yanada yaxshiroq bo‘lishni xohlaydi, tinglashni istaydi va buni ko‘rish juda yaxshi», — dedi murabbiy.
Joriy mavsumda 21 yoshli Maynu barcha klub musobaqalarida to‘rtta uchrashuvda ishtirok etib, bitta golli uzatma amalga oshirgan. Uning klub bilan shartnomasi 2031 yil yozigacha amal qiladi.
