«Vest Xem»ning sobiq hujumchisi Maykl Antonio avtohalokatga uchraganidan qariyb ikki yil o‘tib futbolga qaytmoqda.

Futbolchi faoliyatini ayni paytda Angliya futbolida kuch bo‘yicha ikkinchi divizion hisoblangan Chempionshipda ishtirok etayotgan «Uotford» safida davom ettiradi.

Avvalroq Antonio faoliyatini Qatarda tiklashga uringan va «Al-Sayliya» bilan muzokara olib borgan, ammo tomonlar o‘rtasida kelishuv amalga oshmagan.

«Uotford» — ajoyib klub va men jamoaga har tomonlama foyda keltirishga umid qilaman. Bu yerda juda yaxshi futbolchilar jamlangan.

Avval «Uotford» darvozasiga gol urganman, endi esa yaxshi formaga kirganimdan so‘ng shu jamoa safida gollar urishni istayman», — deya Antonioning so‘zlarini klub matbuot xizmati keltirdi.

Ayni paytda «Uotford» Chempionship turnir jadvalida 12-o‘rinni egallab turibdi.