Fransiya terma jamoasi va Madridning «Real» klubi hujumchisi Kilian Mbappe faoliyatini «Oltin to‘p» va Chempionlar ligasidagi g‘alabasiz yakunlashi mumkinligini tasavvur qila oladimi, degan savolga javob berdi.
«Ha. G‘alaba maydonda qo‘lga kiritiladi. Albatta, «Oltin to‘p» ovozlarga ham bog‘liq. Ammo 10 yil oldinga qarashdan avval hozir sodir bo‘layotgan voqealarga e’tibor qaratish kerak. Bu yil «Oltin to‘p»ni qo‘lga kiritish uchun ajoyib imkoniyatga egaman», — deya Mbappening so‘zlarini L’Équipe manbasiga tayangan holda AS keltirdi.
Ayni paytda 27 yoshli hujumchi Chempionlar ligasining faqat bir finalida — 2019/20 yilgi mavsumda ishtirok etgan. Mbappening «Oltin to‘p» uchun ovoz berishdagi eng yuqori natijasi esa 2023 yilda qayd etilgan uchinchi o‘rin hisoblanadi.
