Франция терма жамоаси ва Мадриднинг «Реал» клуби ҳужумчиси Килиан Мбаппе фаолиятини «Олтин тўп» ва Чемпионлар лигасидаги ғалабасиз якунлаши мумкинлигини тасаввур қила оладими, деган саволга жавоб берди.

«Ҳа. Ғалаба майдонда қўлга киритилади. Албатта, «Олтин тўп» овозларга ҳам боғлиқ. Аммо 10 йил олдинга қарашдан аввал ҳозир содир бўлаётган воқеаларга эътибор қаратиш керак. Бу йил «Олтин тўп»ни қўлга киритиш учун ажойиб имкониятга эгаман», — дея Мбаппенинг сўзларини L’Équipe манбасига таянган ҳолда AS келтирди.

Айни пайтда 27 ёшли ҳужумчи Чемпионлар лигасининг фақат бир финалида — 2019/20 йилги мавсумда иштирок этган. Мбаппенинг «Олтин тўп» учун овоз беришдаги энг юқори натижаси эса 2023 йилда қайд этилган учинчи ўрин ҳисобланади.