«Fiorentina» yarim himoyachisi Sher N'Dur Angliya Premyer-ligasining ikki klubi e’tiboriga tushdi. Bu ma’lumotni CaughtOffside tarqatdi.
Manbaga ko‘ra, 22 yoshli italiyalik futbolchi xizmatlariga «Liverpul» va «Aston Villa» qiziqish bildirmoqda. Har ikki klub ham futbolchini qishki transfer oynasida xarid qilish imkoniyatini ko‘rib chiqmoqda.
Biroq hozircha «Fiorentina»ga rasmiy taklif kelib tushmagani ta’kidlanmoqda. «Binafshalar» o‘z yarim himoyachisini taxminan 30–35 million yevroga baholamoqda.
2025/26 mavsumda N'Dur barcha musobaqalarda 5 ta uchrashuvda maydonga tushib, 1 ta gol urgan.
Futbolchining Italiya klubi bilan shartnomasi 2029 yil yoziga qadar amal qiladi.
