Londonning «Chelsi» jamoasi Angliya chempionatining navbatdagi turida «Xall Siti» bilan 2:2 hisobida durang o‘ynadi.
Bu «Chelsi» uchun chempionat doirasida ketma-ket gol o‘tkazilgan 20-uchrashuv bo‘ldi. «Aristokratlar» so‘nggi bor 17 yanvar kuni «Brentford»ni 2:0 hisobida mag‘lub etgan uchrashuvda o‘z darvozasini daxlsiz saqlay olgan edi.
Shu tariqa, o‘tgan va joriy mavsumlarni hisobga olganda, «Chelsi»ning gol o‘tkazish seriyasi 20 ta o‘yinga yetdi.
London klubi Angliya chempionatida bunchalik uzoq davom etgan noxush seriyaga 65 yildan ortiq vaqtdan beri duch kelmagan edi.
Qizig‘i, «Chelsi» keyingi turda aynan «Brentford»ga qarshi maydonga tushadi.
