Madridning «Real» klubi 23 yoshli himoyachisi Alvaro Karreras La Liganing 5-turida «Rayo Valyekano»ga qarshi o‘yinda urgan goli haqida fikr bildirdi. Futbolchi derbida «qirollik klubi»ning ikkinchi goliga mualliflik qildi. Uchrashuv «Real»ning 4:1 hisobidagi g‘alabasi bilan yakunlandi.
«Juda xursandman. Kilian to‘pni menga qaytardi, men jarima maydoniga kirib bordim va hujumni yakunlashga muvaffaq bo‘ldim. Bu butun jamoa uchun ajoyib o‘yin bo‘ldi. Asosiy omillar birinchi daqiqalardanoq ko‘rsatilgan yuqori intensivlik va energiya bo‘ldi. Biz o‘z maydonimizda o‘ynadik va uch ochkoni qo‘lga kiritish istagi bilan maydonga chiqdik», — dedi Karreras o‘yindan keyingi intervyusida.
Beshta uchrashuvdan so‘ng «Real» 12 ochko bilan turnir jadvalida ikkinchi o‘rinda bormoqda. «Barselona» 15 ochko bilan peshqadamlik qilmoqda.
