Fransiya Liga 1 chempionatining 4-turida «Lill» o‘z maydonida «Trua»ni qabul qilib, 2:0 hisobida g‘alaba qozondi.
Uchrashuvda mezbonlar favorit sanalgandi. Mezbonlar 2-daqiqadanoq hisobni ochishga yaqin keldi, biroq Hakon-Arnar Xaraldssonning goli bekor qilindi.
18-daqiqada esa «Lill» baribir o‘z maqsadiga erishdi — Tyagu Santush Dilan Bakvaning golli uzatmasidan so‘ng jamoasini oldinga olib chiqdi.
Ikkinchi bo‘limda ham «Lill» tashabbusni o‘z qo‘lida saqlab qoldi. Bahsga qo‘shib berilgan vaqtda Etan Mbappe hisobni 2:0 ko‘rinishiga keltirib, uchrashuvga nuqta qo‘ydi. Unga golli uzatmani Maurits Kyergor berdi.
