Londonning «Arsenal» klubi hujumkor yarim himoyachisi Noni Madueke faoliyatini Angliyadan tashqarida davom ettirishi mumkin.

Insayder Ekrem Konurning ijtimoiy tarmoqlarda bergan ma’lumotiga ko‘ra, angliyalik futbolchiga Turinning «Yuventus» va Madridning «Atletiko» klublari qiziqish bildirmoqda. Har ikki jamoa qishki transferlar oynasida Maduekeni ijaraga olish imkoniyatini ko‘rib chiqmoqda.

Joriy mavsumda 24 yoshli yarim himoyachi «Arsenal» safida yetarlicha o‘yin amaliyotiga ega bo‘lmayapti. Madueke Angliya Premyer-ligasida bor-yo‘g‘i 2 ta uchrashuvda maydonga tushgan va har bir o‘yinda o‘rtacha 11 daqiqa harakat qilgan.

Futbolchining transfer qiymati 50 million yevroga baholanmoqda.