«Manchester Siti» Angliya Premyer-ligasida «Manchester Yunayted»ni safarda 1:0 hisobida mag‘lub etdi. «Shaharliklar» birinchi bo‘limda Fil Foden maydondan chetlatilganiga qaramay, g‘alabani qo‘lga kiritdi.
Derbidagi yagona gol muallifi Erling Xoland uchrashuvdan so‘ng «Manchester Siti» darvozaboni Janluiji Donnarummani alohida maqtadi.
«Donnarumma o‘yin oxirida qanday seyv qildi! U darvozada xuddi bo‘riga o‘xshaydi, o‘zi ham bo‘rini eslatadi. U aqlbovar qilmas darajada! Orqangda darvozani shunday yigit qo‘riqlab turganida, o‘zingni ancha ishonchli his qilasan», — dedi Xoland Sky Sports efirida.
«Manchester Siti» navbatdagi uchrashuvini 17 sentyabr, payshanba kuni Angliya Liga kubogi doirasida «Norvich»ga qarshi o‘tkazadi.
