«Roma» bosh murabbiyi Djan Pyero Gasperini A Seriyada «Torino»ga qarshi o‘yindan (2:0) so‘ng himoyachi Leonardo Balerdining harakatlariga yuqori baho berdi.
«Balerdi — juda kuchli zamonaviy himoyachi, jismonan baquvvat va tezkor. Eng buyuk himoyachi Franko Barezi bo‘lgan. Men ularni taqqoslamayapman, ammo u o‘z pozisiyasida qanday harakat qilishi va o‘yinda ishtirok etishi jihatidan shunday xususiyatlarga ega. Albatta, hech kim Bareziga tenglasha olmaydi, ammo u himoyachining shunday turiga kiradi», — deya Gasperinining so‘zlarini DAZN keltirmoqda.
«Roma» A Seriyadagi 4 ta o‘yinning barchasida g‘alaba qozonib, 12 ochko bilan turnir jadvalida peshqadamlik qilmoqda. Keyingi turda jamoa «Inter»ga qarshi o‘ynaydi.
