«Barselona» himoyachisi Erik Garsiya joriy mavsum uchun jamoa kapitanlarini tanlash jarayoni haqida gapirdi.

Ispaniyalik futbolchi Rafinya Dias va Pedridan keyin uchinchi sardor etib saylangan. Frenki de Yong to‘rtinchi, Lamin Yamal esa beshinchi kapitan bo‘lgan.

«Bizga qog‘oz berishdi va unga kapitan sifatida ko‘rishni xohlagan futbolchilarimiz nomini yozishimiz kerak edi. Bosh murabbiy birinchi va ikkinchi kapitanlarni o‘zi tanladi, uchinchi, to‘rtinchi va beshinchi kapitanlarni esa futbolchilar ovoz berish orqali belgilashdi», — deya Erik Garsiyaning so‘zlarini Barca Universal keltirmoqda.

Xans-Diter Flik jamoasi 5 turdan keyin 15 ochko bilan La Ligada peshqadamlik qilmoqda.