«Torino» bosh murabbiyi Inyasio Abate Italiya chempionatining 4-turida «Roma»ga qarshi o‘yindagi mag‘lubiyatni sharhladi.

«Albatta, jamoa ikkinchi bo‘limni juda yaxshi o‘tkazdi, ammo «Roma» kabi kuchli raqiblarga qarshi o‘yinlarda yuzaga kelgan vaziyatlardan foydalanish va sovuqqonroq harakat qilish kerak. Ikkinchi o‘tkazib yuborilgan goldan xafa bo‘ldim — oxir-oqibat, aynan shu gol o‘yinning borishini o‘zgartirdi», — deya italiyalik mutaxassisning so‘zlarini forzaroma.info keltirmoqda.

Ayni paytda «Torino» Italiya chempionati — A Seriya turnir jadvalida 14-o‘rinda bormoqda.