«Barselona» himoyachisi Erik Garsiya joriy yilda «Oltin to‘p»ni kimga bergan bo‘lar edi, degan savolga javob berdi.

30 nafar nomzod orasiga kataloniyalik grandning atigi ikki vakili — 19 yoshli Lamin Yamal va Pau Kubarsi kiritilgan.

«Menimcha, «Oltin to‘p»ni Lamin Yamal olishi kerak. Menda hech qanday shubha yo‘q. Pedri va Rafinyaning 30 nafar nomzod orasida yo‘qligi — aql bovar qilmaydigan holat, ammo bu jarayon qanday kechishini bilamiz. Kubarsining nomzodlar qatoriga kiritilganidan xursandman, chunki u bunga albatta munosib. Dani Olmo ham nomzodlar orasida bo‘lishi mumkin edi, fantastik mavsum o‘tkazgan Fermin Lopes ham», — deya Erik Garsiyaning so‘zlarini Barca Universal keltirmoqda.

«Oltin to‘p»ni topshirish marosimi 26 oktyabr kuni bo‘lib o‘tadi.