Londonning «Arsenal» klubi Madrid «Real»ining braziliyalik hujumchisi Rodrigo bilan bog‘liq vaziyatni diqqat bilan kuzatmoqda. Bu haqda Topskills Sports UK xabar berdi.
Manbaga ko‘ra, «kanonirlar» 25 yoshli futbolchining «Real»dagi kelajagi hozircha noaniq bo‘lib turgani sabab transfer imkoniyatini ko‘rib chiqmoqda.
Ayni paytda Rodrigo jarohatdan tiklanish jarayonini o‘tamoqda va uning maydonga qaytishi dekabr oyida kutilmoqda.
Shu bilan birga, «Arsenal» futbolchiga qiziqish bildirayotgan yagona klub emasligi ham qayd etilgan.
Rodrigo 2019 yildan beri «Real» sharafini himoya qilib kelmoqda. Joriy mavsumda u hali biror marta maydonga tushmagan.
Braziliyalik hujumchining «Real» bilan amaldagi shartnomasi 2028 yil iyun oyi oxiriga qadar mo‘ljallangan.
